少油星洲炒米

好鍾意食炒粉麵飯, 不過出街食一碟D 油多到好似撈麵咁, 而且食個炒野加野飲都幾十蚊… 幾十蚊夠我整黎2個人食喇~都係學下自己整啦, 原來都好易架咋

蘑菇芝士扁意粉

罐頭餐系列之意粉 材料 扁意粉 200克 罐頭切片蘑菇 1罐 洋蔥 半個 芝士 2片(我用左車打同pizza 各一) 忌廉蘑菇湯 1罐 做法 1) 煲滾水, 加2tbsp 鹽煮熟意粉, 隔乾水備用 2) 燒熱少少油炒香洋蔥, 然後落蘑菇炒香 3) 將忌廉蘑菇湯加入大半罐水煮熱 4) 加入意粉煮至吸收哂d 湯 *5) 鋪上切條的芝士, 放入焗爐用200度焗3-5 分鐘至芝士微焦, 洒上香草~食得! 步驟5 如果嫌煩或唔想要芝士可省去, 煮到步驟4可以上碟架喇

咖哩雞柳

收工返到樓下正諗緊今晚果餐同聽日果餐食意粉定炒米好之際…..竟然轉左軚煮咖哩~ 材料 (2人份) 雞髀 1隻甘筍 1條薯仔 1個青椒 半個乾蔥 1個  (因為屋企無洋蔥所以用乾蔥) 調味咖哩醬 2TBSP水 200ML蒜蓉 1TSP 做法1) 雞髀拆肉, 用雞粉, 糖, 麻油, 醃半小時2) 甘筍, 薯仔, 青椒, 乾蔥,切粒3)  燒熱少少油爆香蒜蓉乾蔥, 然後將所有材料一齊落鑊炒至雞柳熟4) 加入咖哩醬及水冚蓋煮滾, 食得! 今次用左李錦記咖哩醬, 雖然都好味!但都係田師傅香D~

羅宋湯

買左真空煲之後既第一樣整既野就係羅宋湯喇一直都覺得煲湯唔駛技巧, 放哂D 材料落去加水就得而家有真空煲直情連睇火都唔駛呀 材料牛尾 1PACK西芹 半棵洋蔥 1個青椒 1個甘筍 2條薯仔 2個蕃茄 6個茄膏 3 tbsp月桂葉 2片黑胡椒粒 10粒指天椒 1隻*如果唔鍾意辣可以減少黑胡椒粒同埋唔落指天椒 做法1) 牛尾放入滾水煲10分鐘, 以洗淨污租野及血塊2) 所有蔬菜切粒, 連已出水既牛尾放入湯煲中加水至啱啱蓋過材料, 3) 煲滾後放入內煲, 我估4-5個鐘ok 喇4) 飲之前加鹽調味呢煲我前一晚煲滾後放入真空煲, 到第日起身再加返熱做lunch, 好好味呀牛尾係超級市場買返黎一舊舊有大有細, 我無再斬開佢地, 原pack 出完水就煲