Category: 意粉

鮮茄磨菇意粉配慢煮雞胸

經常都有人問我點解減肥可以撈汁, 同埋個汁係點煮, 其實都係萬變不離其宗咁用新鮮蕃茄同洋蔥+減糖茄汁煮出黎, 係合法的汁黎架, 呢個汁可以配豬牛雞, 意粉飯 當然你仲可以加其他啱味既蔬菜, 例如青椒甘筍等等等令個汁味道更豐富啦

蕃茄牛柳粒長通粉

減肥期間其實都唔係乜汁都唔食得既 (出街食例外), 用蕃茄本身既水份煮成既汁就可以放心食啦~

香蒜白酒蜆意粉

平時出街食呢個意粉都係得果幾粒仔蜆好唔夠喉, 自己整可以落好多啦!而且簡單又易煮, 又香又鮮味~

卡邦尼意粉

材料 意粉 300g 煙肉粒 100g 洋蔥 半個 忌廉 100ml 蛋黃 2個 巴馬臣芝士碎 3湯匙 做法 1) 唔駛落油, 炒煙肉直至出油 2) 加入洋蔥炒至透明 3) 加入意粉炒均 4) 加入忌廉及芝士碎煮至芝士溶化 5) 熄火加入蛋黃拌均

黑松露帶子露筍意粉

材料 意粉 400g 洋蔥 1/4個 帶子 9粒 露筍 數條 調味 黑松露醬 1tbsp 無鹽牛油 10g 白酒 1tbsp 忌廉 2tbsp 黑椒 適量 蒜鹽 適量 做法 1) 帶子解凍後索乾水, 用黑椒蒜鹽醃15分鐘 2) 意粉加半茶匙鹽跟包裝袋指示減一分鐘煮熟, 中途放入露筍煮2-3分鐘 3) 加熱牛油至少少冒煙, 加入洋蔥炒香 4) 洋蔥炒至軟身, 加入帶子煎至二邊金黃盛起備用 5) 原鍋加入忌廉白酒煮熱 6) 加入意粉及黑松露醬炒均, 完成!!

蕃茄磨菇肉醬意粉

材料: 免治牛肉 1盒 白磨菇 10粒 意粉 300g 洋蔥 半個 意粉醬 1罐 水 250ml 醃料: paprika 1 tsp 黃薑粉 1tsp 胡椒粉 1tsp 蒜鹽 1tsp 麻油 1tsp 做法: 1) 洋蔥, 磨菇切片, 牛肉用醃料醃15分鐘 加1tsp 鹽, 跟包裝袋指示時間減1分鐘烚熟意粉 2) 洋蔥磨菇炒至軟身 3) 加入牛肉炒熟 4) 加入意粉醬拌炒一陣, 再加入水煮滾 5) 加入意粉拌炒至收汁

蘑菇芝士扁意粉

罐頭餐系列之意粉 材料 扁意粉 200克 罐頭切片蘑菇 1罐 洋蔥 半個 芝士 2片(我用左車打同pizza 各一) 忌廉蘑菇湯 1罐 做法 1) 煲滾水, 加2tbsp 鹽煮熟意粉, 隔乾水備用 2) 燒熱少少油炒香洋蔥, 然後落蘑菇炒香 3) 將忌廉蘑菇湯加入大半罐水煮熱 4) 加入意粉煮至吸收哂d 湯 *5) 鋪上切條的芝士, 放入焗爐用200度焗3-5 分鐘至芝士微焦, 洒上香草~食得! 步驟5 如果嫌煩或唔想要芝士可省去, 煮到步驟4可以上碟架喇