原本話左收手, 但見到黑色鑊仔又忍唔住, 仲要做緊TRY ME~ 就係咁 我就擁有第一個黑裡LC 喇~YEAH!

我都有枝神鏡喇而家! 睇中左好耐, 新野$6300….上網買二手都要$5200- $5300…可遠觀不可褻玩之物~ 不過有日無意中路過二手店, 見到標價$4800, 仲要有價講, 咁就把心一橫買左了

等左差唔多一個月, 終於收到了 拆都唔捨得拆, 又點會捨得用黎切野呢? 睇黎呢塊都真係做model 既好材料!!

諗左好耐14cm 咁細買唔買好…….但係做緊特價1萬yen 喎? 適逢好同事出trip 到日本, 咁就把心一橫拜託佢幫我係日本買個吧~ 我無諗過1.9kg 原來都幾重既…..真係唔該哂呀 買埋呢個要收手喇, 因為真係暫時無位放了!!

宣佈唔再買煲喇, 無位放了~

尋日先收左2個, 今日逛毒group 時見到有人放呢set 日本福袋~價錢又合理 用左5分鐘考慮就扑鎚了!仲約埋即晚交收~ 不過我仲未諗到點解釋點解又買呀~  一個月內買左4個, 集齊 17, 18, 25,26 cm 既lc~ 

呢排逛得多毒group, 學識左上amazon it 訂煲…. 吼左幾日比我見到好想買既紅色buffet, 扣埋稅賣 euro72.71 , 個價靚成咁, 唔係要諗呀嘛? 順手仲買多個18 cm 煲, 原本想買紫色, 貴10歐到, 不過無貨~ 是旦啦, 呢隻藍色我都好鍾意, 襯返個膠鏟 2 件加賣運費都唔駛2千蚊港紙, 開倉都唔得啦我估?而家仲唔駛同人迫仲唔駛搬有人送到門口喎~ 就係咁, 我呢2個星期就日日mon 住amazon 睇佢送到香港未喇~不過佢個status 由7/23 打後無再update 過了 不過今日見個group 有好多人同我差唔多日子落單都收左貨, 我覺得我都應該會收到吧? 結果全日等電話, 擔心到收工先收到送貨哥仔打黎問今晚7-9有無人收貨!yeah!!good fit 呀! 原本8/1 先到既, 早左3日 收貨時嚇我一跳!!你想像到一個煲無盒無保護, 由意大利運到黎香港嗎? 好在無穿無爛, 隔山買牛要退貨都唔知要搞幾多野呀

收到HSBC 既換領信, 唔駛等成個禮拜~幾日就有喇, 適逢3週年特價未過 即刻趁機會叫埋身份証有3字既呂生陪我去拎煲啦~ 山長水遠去到, 竟然無煲賣喎 成間shop 好似比人打刧完咁囉 有半價去到又無理由唔買d 野走架嘛, 好在膠鏟都仲有我鍾意既色~