我覺得小唐菜個底仲好用過節瓜呀~蒸完唔會淋仲識企係度, 煲飯時放入飯煲一齊熟慳返好多時間

一粒入面有菜有肉有澱粉, 連煮都係一煲過搞掂~方便!!

高麗菜即係椰菜, 纖維高又耐煮, 拎黎做菜卷既清爽又健康!

簡單易整既屋企餸~加入XO醬開胃又惹味!

淡淡蒜香味既菜,又有益又好味

材料 西蘭花    1棵 忌廉雞湯    1罐 車打芝士    1片 做法 1) 西蘭花切小棵用鹽水洗乾淨, 灼到半熟撈起瀝乾水 2) 倒半罐忌廉雞湯焗入焗盤, 再鋪上西蘭花, 再將餘下忌廉雞湯均衡鋪滿至蓋過面 3) 加入芝士, 用180度焗20分鐘

罐頭餐系列之意粉 材料 扁意粉 200克 罐頭切片蘑菇 1罐 洋蔥 半個 芝士 2片(我用左車打同pizza 各一) 忌廉蘑菇湯 1罐 做法 1) 煲滾水, 加2tbsp 鹽煮熟意粉, 隔乾水備用 2) 燒熱少少油炒香洋蔥, 然後落蘑菇炒香 3) 將忌廉蘑菇湯加入大半罐水煮熱 4) 加入意粉煮至吸收哂d 湯 *5) 鋪上切條的芝士, 放入焗爐用200度焗3-5 分鐘至芝士微焦, 洒上香草~食得! 步驟5 如果嫌煩或唔想要芝士可省去, 煮到步驟4可以上碟架喇