經常都有人問我點解減肥可以撈汁, 同埋個汁係點煮, 其實都係萬變不離其宗咁用新鮮蕃茄同洋蔥+減糖茄汁煮出黎, 係合法的汁黎架, 呢個汁可以配豬牛雞, 意粉飯 當然你仲可以加其他啱味既蔬菜, 例如青椒甘筍等等等令個汁味道更豐富啦

焗薯夠哂淋, 加埋新鮮車厘茄及雞柳芝士做饀, 加幾滴tabasco調味已經好好味~

正宗台式三杯雞係要用1:1:1比例既麻油, 米酒, 醬油, 但係唔想太油膩, 所以我將麻油比例減少左, 不過都好好味好夠汁撈飯架

唔鍾意醉雞太醉既朋友揮手~ 呢個雞翼真心易整, 鍾意幾重酒味完全由你自己話事

我覺得小唐菜個底仲好用過節瓜呀~蒸完唔會淋仲識企係度, 煲飯時放入飯煲一齊熟慳返好多時間

簡單易整既屋企餸~加入XO醬開胃又惹味!

原本打算整普羅旺斯燉雞, 但係無西芹又無thyme~所以索性加埋其他香草及paprika, 整左呢個香草蕃茄燉雞, 我仲用埋多出黎既汁煮飯, 啖啖都充滿香草味!

走捷俓用左白飯同現成鹽焗雞煲粥, 1個鐘左右就食得喇~

大磨菇(Portobello Mushroom) 厚肉又多汁!最啱要黎焗架喇~ 只要面頭係芝士, 中間配咩饀都夾到

材料: 雞翼 8隻 薯仔 1個 冬菇 10粒 蔥 1條 洋蔥 半個 蒜蓉 少許 醃雞翼:(醃3個鐘) 胡椒粉 1tsp 麻油 1tsp 糖 1tsp 雞粉 1tsp 做法: 1) 雞翼煎至7成熟剩起備用 2) 爆香蒜蓉洋蔥後, 加入薯仔炒至金黃色 3) 加入冬菇略炒 4) 雞翼回鑊, 加入2tbsp 蠔油, 500ml 水煮20分鐘 5) 加生粉水埋獻搞掂~